Mbretëria e drejtshkrimit

Kjo është historia e mbretërisë më madhështore në botë, Mbretërisë së Drejtshkrimit të Gjuhës Shqipe. Oborrtarët e saj janë 36 germa, të mëdha e të vogla, shenja të shumta pikësimi, thonjëza e viza… Të gjithë jetojnë në harmoni të përkryer dhe japin ndihmesën e tyre për ta shkruar sa më bukur Gjuhën Shqipe. Mbreti Drejtshkrim mbretëron me dinjitet. Fjalët e bukura të shqipes formojnë fjali që shprehin ide dhe mendime të qarta. Poetët i përdorin në mënyrë mahnitëse. Mësuesi i Fjalëve është gjithnjë i kujdesshëm, kurse Fjalori i Artë shkëlqen nga fjalët brenda faqeve të tij, që krahasohen me yje që vezullojnë.