Letra grues seme të vdekun

Ky “himn i rrallë për gruan” (Ismail Kadare) në panoramën e letrave
shqipe vjen tek lexuesi ynë nga viti 2017 deri më sot me botimin e
tij të katërt. Ndjeshmëria e Gjovalin Gjadrit, pena e tij ikonike në
zbërthimin më të thellë që i është bërë ndonjëherë në letërsinë
shqipe dhimbjes për gruan e vdekur, ka bërë që ky libër të gjejë në
më pak se në një dekadë lexues dhe admirues të pafund. Sinqeriteti
në rrëmin e dhimbjes, prerja diagonale ku shihen të gjitha
shtresëzimet e plagëve që ajo hap në shpirtin njerëzor, gjuha e pasur
dhe përkthimi në një gegërishte letrare elegante bëjnë që ky libër të
zgjojë vetvetiu ndjeshmërinë e munguar ndaj gurës së gruas në
shoqërinë shqiptare duke marrë kështu edhe një vlerë shtesë,
edukuese dhe emancipuese, për të gjithë ne.