Frashëri: I shquar, i panohur

“Kush lexon librin e Thomas Frashërit mahnitet jo vetëm me informacionin historik, sidomos atë të siguruar nga burime osmane deri më tani të panjohura, por sidomos me rolin dhe kontributin e një armate të tërë personalitetesh me origjinë nga Frashëri në jetën politike dhe intelektuale të Shqipërisë e pse jo edhe të Perandorisë Osmane.”

Prof. Ferit Duka

“Stema familjare, dokumente fisnikërimi, dorëshkrime, fotografi të rralla, sidomos për më të vjetrat, e çdo lloj objekti tjetër teknikisht i riprodhueshëm ose më mirë të thuhet i shndërrueshëm në imazh, nuk përbëjnë vetëm një zbukurim të rëndomtë dhe dytësor të librit, një ikonë për ekspozim me synim konsumatorin e rastësishëm të historive gjenealogjike, por aspektin e dukshëm të hulumtimit dhe, për pasojë, konkret të lidhjes që kërkohet të vendoset mes së tashmes së atij që lexon dhe së shkuarës që ka nxjerrë në dritë atë objekt”.

Prof. Matteo Mandalà

“Arritja metodologjike e studiuesit Thomas Frashëri me këtë vepër, duke filluar nga zgjerimi i analizës historiografike me metodat ndërdisiplinore dhe duke përfunduar te përdorimi i disiplinave të ndryshme si agregat funksionues, pavarësisht heterogjenitetit të tyre, mund të shërbejë si shembull i lakmueshëm”.

Prof. Aurel Plasari